Grikkland er sannkallað draumaland sem gaman er að skoða og það munum við gera á skútu og á rafmagnshjólum, bæði á meginlandinu og á eyjum.
Dagleiðir eru mislangar en ættu að vera frekar auðveldar allflestum sem hafa einhverja reynslu af því að hjóla. Við munum gefa okkur tíma til að synda í sjónum og njóta lífsins saman. Þessi ferð sameinar skemmtilega blöndu af hreyfingu, afslöppun og menningarupplifun ásamt því að borða góðan grískan mat – blanda sem svíkur engan.

HVAÐ BÝÐST ÞÉR Í HJÓL OG SIGLINGU Í GRIKKLANDI?

• Siglt frá hafnarborginni Piraeus.
• Gist á snekkjunni Aegeotissa II og tvær nætur í Nafplio.
• Hálft fæði á snekkjunni ásamt auka hádegisverði og kvöldverði
• Rafmagnsreiðhjól
• Notalegar samverustundir með ferðafélögunum og tækifæri til að kynnst nýjum.
• ATH flug er ekki innifalið – tækifæri til að tengja ferðina við aðra áfangastaði. Fararsnið getur aðstoðað við að finna heppilegar flugleiðir.

Fararstjórn: Ásta Björk Sveindóttir

UPPSELT

FERÐADAGSKRÁ 

MánuDAGUR 14. SEPTEMBER

Ferðin hefst við Piraeus höfnina í Aþenu og við komum okkur fyrir í skútunni sem við höfum fyrir okkur næstu 6 nætur.
13:00 Siglum á fyrsta áfangastað sem er bærinn Nea Epidauros.
19:00 Kvöldverður um borð og fararstjórafundur.

ÞRIÐJUDAGUR 15. SEPTEMBER

Morgunverður um borð.
09:30 Hjólaferð hefst
Við hjólum á meginlandinu í dag og á leið okkar munum við stoppa hjá ólífubónda, fræðast um framleiðsluna og smakka á henni.
Þá hjólum við til Ligourio, lítils bæjar við hið fræga Epidavros leikhús sem er eitt af undrum fornaldar og eitt best varðveitta leikhús Grikklands.
13:00 Hjólum til baka að skútunni.
14:30 Siglum af stað til eyjarinnar Poros.
19:00 Kvöldverður um borð.

MiðvikuDAGUR 16. SEPTEMBER

Morgunverður um borð
09:30 Hjólaferð hefst
Við hjólum á eyjunni Poros sem oft er kölluð friðareyjan því þar hittust sendifulltrúar ýmissa landa á 19. öld til að funda og til að koma á friði. Þar má enn sjá minjar hofs sem reist var um 5 öldum fyrir krist og  tileinkað  sjávarguðinum Poseidon.
Við fáum okkur hádegisverð á eyjunni, ekki innifalið.
15:30 Siglum á næsta áfangastað sem er eyjan Hydra.
19:00 Kvöldverður um borð.

fimmtuDAGUR 17. SEPTEMBER

Morgunverður um borð
10:00 Í dag verður ekki hjólað heldur förum við í gönguferð um eyjuna Hydru. Þar eru ekki leyfðir bílar svo við munum njóta hennar fótgangandi. Þetta er eyja listamanna og mikil draumaeyja. Nafnið Hydra þýðir vatn en eyjan var í fornöld rík af náttúrulegum vatnsuppsprettum sem nú hafa þornað upp að mestu. Við munum kíkja á húsið sem Leonard Cohen keypti og dvaldi lengi í.
Fáum okkur hádegisverð á eyjunni, ekki innifalið.
14:00 Siglum af stað til næstu eyjar sem er Spetses.
19:00 Kvöldverður um borð.

föstuDAGUR 18. SEPTEMBER

Morgunverður um borð
09:30 Hjólaferð hefst.
Við hjólum um eyjuna Spetses sem er síðasta eyjan í Saronísku eyjakeðjunni. Eyjan var kölluð „kryddeyjan“ en á miðöldum var þar mikið verslað með krydd.
Á 18 – 19. öld bjó á eyjunni frelsishetjan Laskarina Bouboulina, þjóðhetja Grikkja en hún var m.a. fræg fyrir að láta smíða eigið herskip og taka þátt í frelsisstríðinu gegn Tyrkjum.
Við fáum okkur hádegisverð á eyjunni, ekki innifalið.
15:00 Siglum af stað til Leonidio sem er á meginlandinu.
19:00 Kvöldverður um borð.

Morgunverður á hóteli
Dagurinn frjáls í Nafplio
Siðasta dag ferðarinnar sem er frídagur er hægt að rölta á eigin vegum um þröngar götur þessa fyrrum höfuðstaðar Grikklands, kíkja í litríkar verslanir eða kaffihús, fara í göngu, skoða virki,eða bara hvíla lúin bein, sleikja sólina og búa sig undir heimferð.

þriðjuDAGUR 22. SEPTEMBER

Morgunverður á hóteli, brottskráning og uppgjör reikninga.
09:00 Brottför með rútu á flugvöllinn í Aþenu, fyrir þá sem það vilja

UPPSELT

Verð á mann í tvíbýli kr. 516.900,-

Staðfesting kr. 120.000,- SKILMÁLAR FARARSNIÐS
Vinsamlega tilgreinið herbergisfélaga í athugasemdasvæði á greiðslusíðu

Verð miðast við gengi í ágúst 2025 og getur breyst.
Ef til þess kemur að Fararsnið ákveður að fella niður ferðina vegna ónægrar þáttöku er hún endurgreidd að fullu.

INNIFALIÐ:

• Gisting í skútu í 6 nætur og tvær nætur á hóteli í Nafplio 
• Morgunverður í átta daga ásamt kvöldverðum í skútunni
• Einn hádegisverður við ströndina með vatni 
• Heimsókn til ólífubónda með smakki og léttum veitingum
• Kvöldverður í Nafplio
• Allar skoðunar og hjólaferðir sem nefndar eru í dagskrá
• Rúta á flugvöllinn í Aþenu á lokadegi
• Íslensk fararstjórn
• Innlendir leiðsögumenn

EKKI INNIFALIÐ

• Gistináttagjald
• Hádegisverðir á hjóladögum

Fararstjórn

FYRIRSPURNIR OG FORGANGSLISTI

Fyrirspurnir: bokanir@fararsnid.is

Viltu vera á forgangslista?  Skráning á póstlista