Vínuppskeruferð til Soave september 2020 – UPPSELT!

Þessi ferð felur í sér allt það sem vakið hefur lukku í Sælkeragöngunum okkar:  Sælkeramáltíðir að afstöðnum góðum göngutúr, hæfileg blanda af hreyfingu og hvíld.

Auk þess nýtum við okkur árstímann og heimsækjum eitthvert frægasta svæði ítalskra rauðvína, Valpolicella og þekktasta hvítvínshérað Ítalíu, Soave, bæði í Veneto í námunda við Garda-vatnið.

Við bættum svo tveim öðrum svæðum við, sem við höfum kynnst á ferðum okkar þarna, Lugana hvítvínssvæðið og Trento, sem Ítalir sjálfir halda mikið á lofti í seinni tíð.

Sælkeraganga í Torinó –  ágúst 2020 – SÆTUM FÆKKAR

Glaðlegt götulíf, falleg torg, rismiklar hallir og dásamleg kaffihús frá 19. öldinni fá mann til að láta sér líða vel í Torino.

Ráðamenn fyrri alda sáu til þess að borgarbúar gætu gengið þurrfætis um götur og torg í hvaða veðri sem er.

Nærri 30 km eru af súlnagöngum, sem veita skjól fyrir regni og skugga í miklum hitum.

Glæsitorgin eru umlukt af hverri höllinni eftir aðra og er sú kannski ástæða þess að Torino er borin saman við París.

 

Sælkeraganga í Toskana –  júní 2020 – 2 SÆTI LAUS

Sælkeraganga er fyrir þá sem vilja hreyfa sig nokkuð í fríinu sínu, en gera líka vel við sig í mat og drykk.

Sælkeragöngur sem þessar eru frábær hugmynd fyrir matarklúbba, saumaklúbba, félagasamtök og aðra vinahópa sem vilja komast í nálægð við fegurð viðkomandi svæðis og njóta um leið þess besta sem matar- og vínmenning heimamanna hefur upp á að bjóða.

Sælkeraganga við Garda – júní 2020 –  UPPSELT Í ÞESSA FERÐ

Flogið er til Mílanó í beinu flugi og gist á Hótel Poiano, í litla póstkortabænum Garda, sem vatnið dregur nafn sitt af.

Skipulagðar gönguferðir eru út frá hótelinu. Um styttri dagsferðir er að ræða þar sem gengið er um næsta nágrenni, bæði lægri fjöll og grösuga dali. Á matmálstímum er snætt hjá bændum eða nærliggjnadi veitingahúsum.

Sumar gönguleiðirnar liggja fram hjá vínkjöllurum heimamanna og eru þeir þá heimsóttir og þar er hægt að smakka framleiðslu þeirra.