Dásemdir Toskana héraðs verða dregnar fram í þessari ljúfu ferð þar sem við blöndum saman góðri hreyfingu, matar- og menningarupplifun í litlum hóp. 

HVAÐ BÝÐST ÞÉR Í HJÓLAFERÐ Í TOSKANA?

• Skemmtilegar hjólaferðir á rafmagnsreiðhjólum þar sem þú upplifir sveitasælu, vínekrur, miðaldabæi, matarmenningu og notalegheit
• Gist á sama gæðahótelinu allan tímann, í Montecatini Terme
• Ávallt hjólað út frá hóteli
• Sælkeramáltíðir og sveitamatur í bland á völdum veitingastöðum
• Einstakur áfangastaður: Þú heimsækir fegurstu sveitir Toskana héraðs, fjarri fjölmennum ferðamannastöðum
• Notalegar samverustundir með ferðafélögunum 
• Lausar stundir til að ráðstafa að vild
• Fyrir hverja er reiðhjólaferð í Toskana? Alla þá sem hafa gaman af því að hjóla, njóta umhverfisins og upplifa ítalska menningu. Kjörorð ferðarinnar er að njóta en ekki þjóta. 

FERÐADAGSKRÁ  TOSKANA

sunnudagur 30.Ágúst-ferðadagur

Flogið til Rómar í beinu flugi FI 562 28 MAI KEFFCO  08:15-15:00 
Ekið rakleiðis norður til Toskana, þar sem gist er á Grand Hotel Vittoria 4* hóteli í sjö nætur með morgunverði. Á leiðinni munum við stoppa til að rétta úr okkur og næra.
21:00 Innritun á Grand Hotel Vittoria í Montecatini Terme

mánudagur 31. Ágúst

Morgunverður á hóteli
09:00 Hittum innlenda hjólaleiðsögumenn á hótelinu þar sem við fáum rafmagnsreiðhjól afhent. Þegar við höfum stillt hjólin leggjum við af stað í hjólaferð dagsins en í dag verður stefnan tekin á Valdinievole dalinn. Dalurinn er þekkt ólífuræktarsvæði með fjölda lítilla þorpa sem eru umkringd ræktarlegum hlíðum.
13:00 Í hádeginu munum við heimsækja eitt af þekktustu ólífusamlögum héraðsins þar sem við fræðumst um framleiðsluferlið. Fjölskyldan sem stendur vaktina í samlaginu býður okkur til hádegisverðar þar sem framreiddur verður dæmigerður sveitamatur að hætti Toskana-búa, innifalið.
Vegalengd: 30-40 km.
Hækkun: 600/750 m.
19:00 Göngum saman að toglest sem flytur okkur upp í þorpið Montecatini Alto
19:30 Kvöldverður á völdum veitingastað á aðaltorgi þorpsins m/vatni og borðvíni, innifalið. Að kvöldverði loknum förum við með toglestinni aftur til Montecatini Terme.

þriðjudagur 01.september

Morgunverður á hóteli
9:00 Hjólin bíða klár fyrir utan hótelið. Í dag verður ferðinni heitið á æskuslóðir Leonardo da Vinci í gegnum landsvæði sem veitti meistara Vinci einstakan innblástur. Á leiðinni til bæjarins Vinci hjólum við milli Montalbano hæðanna og vínekra.
11:30 Okkur gefst færi á að skoða safn með helstu vísindaafrekum Leonardo da Vinci. Að því loknu stoppum við hjá ungum vínbændum þar sem við fáum léttan hádegisverð og smökkum á framleiðslunni, innifalið.
Hjólum til baka á hótel.
Vegalengd: 55-64 km.
Hækkun: 550/640 m.
Hjólaleið að mestu á malbiki og stuttir kaflar á malarvegum.
Kvöldið frjálst í Montecatini Terme

miðvikudagur 02.september

Morgunverður á hóteli
9:00 Í dag verður ferðinni heitið til miðaldaþorpsins Montecarlo sem er þekkt vínræktarsvæði. Svæðið sem við hjólum í gegnum er sögusvið Gosa, við munum stoppa hjá aldargömlu og fallegu eikartré sem kemur við sögu í ævintýrinu sívinsæla.
Léttur hádegisverður að hætti heimamanna, innifalinn.
Vegalengd: 45-54 km.
Hækkun: 220/300 m.
Hjólaleið að mestu á malbiki.
Kvöldið frjálst í Montecatini Terme

fimmtudagur 03.september

Morgunverður á hóteli
9:00 Í dag munum við heimsækja náttúrverndarsvæðið „Padule di Fucecchio” sem er 1.800 hektara votlendissvæði, eitt það stærsta á Ítalíu. Svæðið sem nú hefur verið friðað var vinsælt veiðisvæði allt frá miðöldum og skartar í dag einstöku fugla- og plöntulífi.
Á leiðinni munum við stoppa á bar þar sem við fáum léttan hádegisverð og Brigidini í desert en það eru gómsætar anískökur sem aðeins eru framleiddar á þessu svæði,innifalið.
Vegalengd: 39-45 km.
Hækkun: 200/250 m.
Hjólaleið að mestu á malbiki en stuttir kaflar á möl.
19:30 Við röltum saman í kvöldverðarhlaðborð sem verður framreitt í Tettuccio Spa sem er einstök bygging á heimsminjaskrá UNESCO, í kjölfarið býðst okkur að njóta klassískra tónleika, innifalið.

laugardagur 05.september

Morgunverður á hóteli
9:00 Í dag hjólum við eftir þekktri göngu/hjólaleið sem kallast á ítölsku „Via della Fiaba” eða ævintýrastígurinn sem liggur að Collodi, fæðingarstað Gosa. Við hjólum í gegnum ólífu- og vínræktarsvæði, miðaldaþorpið Pescia og forna steinstíga. Í Collodi skoðum við ævintýralegan hallargarð Villa Garzoni sem er í glæsilegum barokk stíl þar sem ekkert hefur verið til sparað. Ef tími gefst til lítum við inn í skemmtilegt fiðrildasafn sem staðsett er í garðinu.
13:00 Hádegisverður að hætti Toskanabúa á sveitabýli, innifalinn.
Vegalengd: 45-50 km.
Hækkun: 200/350 m.
Hjólaleið að mestu á malbiki en stuttir kaflar á möl. Auðvelt.
19:30 Göngum saman á skemmtilegan veitingastað í nágrenni hótelsins þar sem okkar bíður ekta íslensk pítsuveisla með öllu tilheyrandi, innifalið.

sunnuudagur 06.september

Morgunverður á hóteli, brottskráning og uppgjör reikninga
08:00 haldið af stað á Rómarflugvöll
Stoppað á leiðinni fyrir hressingu og WC
13:30 innskráning í heimflug: FI 563  6. SEPT  FCOKEF   15:45-18:35

Verð á mann í tvíbýli kr. 399.100,-

Staðfesting kr. 70.000,- SKILMÁLAR FARARSNIÐS
Vinsamlega tilgreinið herbergisfélaga í athugasemdasvæði á greiðslusíðu

Verð fyrir einbýli kr. 425.700,-

Verð miðast við gengi og flugverð í ágúst 2025. Athugið að lágmarksþáttaka er 20 manns. Ef til þess kemur að Fararsnið ákveður að fella niður ferðina er hún endurgreidd að fullu.

INNIFALIÐ:

• Flug með Icelandair til og frá Róm
• Skattar og lendingagjöld
• Töskur og handfarangur
• Rútuakstur frá og til flugvallar
• Gisting á 4 * hóteli í sjö nætur 
• Morgunverður í sjö daga
• Heimsókn í vínkjallara
• Heimsókn í ólífusamlag
• Miðar í toglest
• Fimm alþýðlegir hádegisverðir með vatni og víni
• Þrír kvöldverðir á völdum veitingastöðum, með vatni, borðvíni
• Allar hjólaferðir sem nefndar eru í dagskrá
• Rafmagnsreiðhjól
• Íslensk fararstjórn
• Innlendir leiðsögumenn

EKKI INNIFALIÐ

• Gistináttagjald
• Þjórfé utan skipulagðrar dagskrár