HVAÐ BÝÐST ÞÉR Í HREYFIGLEÐIFERÐ ?

• Skemmtilegur en nokkuð krefjandi göngudagur í þjóðgarði í Appenninafjöllunum þar sem útsýni nær langt á haf út -jafnvel til Korsíku á góðum degi – Viðmið að komast nokkuð auðveldlega upp að Steini í Esjunni.
• Rafmagnshjólaferðir með sælkeraívafi þar sem við kynnumst mat og menningu.
• Ferð inn í Giaredo gilið sem er engu líkt, þar þræðum við árfarveg milli klettaveggja og kynnumst lífríkinu. Kanóaferð frá Lerici inn í undurfagrar víkur sem eru einungis færar sjóleiðina. Heimsókn í miðaldabæinn Pontremoli þar sem við fáum innsýn í einstaka sögu svæðisins, skoðum barokkhöll og röltum um vikulegan markað í bænum. Heimsókn í Vínsamlag í Cinque terre og fáum að smakka framleiðsluna.
• Glæsilegar máltíðir og alþýðlegar í bland.
• Einstakur áfangastaður: Við heimsækjum lítt þekkta náttúruperlu Toskana héraðs sem kallast Lunigiana. Svæðið liggur við rætur Appenninafjallgarðsins og skartar einstakri náttúru og fjölda miðaldaþorpa. Við heimsækjum einnig þekktari svæði eins og Lerici og Cinque terre þjóðgarðinn.
• Gisting á góðum hótelum m/morgunverði: 4 nætur í sveitagistingu í Lunigiana og 3 nætur í hafnarborginni La Spezia.
• Notalegar samverustundir með ferðafélögunum og tækifæri til að kynnast fólki.
• Lausar stundir og næði til að ráðstafa að vild.
• FYRIR HVERJA ER HREYFIGLEÐI Á ÍTALÍU: alla sem eru í ágætis formi (geta gengið upp að Steini í Esjunni nokkuð auðveldlega), hafa ánægju af fjölbreyttri hreyfingu úti í náttúrunni og njóta lífsins í góðum félagsskap.

Önnur brottför: Hreyfigleði í Toskana og Cinque Terre 5. – 12. september

FERÐADAGSKRÁ

Mánudagur 15.júní- Ferðadagur

Flogið til Mílanó í beinu flugi FI 590 21.júní KEFMXP 09:00-15:10  Rúta ekur okkur rakleiðis til Toskana héraðs ( 2,5t)
20:00 Innritun á sveitahótel í útjaðri Pontremoli í Lunigiana
20:30 Komuskál og glæsilegur kvöldverður á hótelinu með vatni, borðvíni og kaffi, innifalinn

þriðjudagur 16.júní

08:00 Morgunverður á hóteli
09:30 Höldum af stað á vit ævintýra dagsins. Við fáum blautbúninga, flotvesti og hjálma og höldum inn í Giaredo gilið sem er ævintýri líkast
14:30 Rúta flytur okkur til baka á hótel en á leiðinni stoppum við í „Birreficio“ – bjórgerð, fáum létta hressingu og handverksbjór, innifalið
16:00 Áætluð koma á hótel og síðdegið frjálst
20:00 Kvöldverður á hóteli, innifalinn (drykkir ekki innifaldir)

miðvikudagur 17.júní

08:00 Morgunverður á hóteli
09:30 Göngum af stað með staðarleiðsögumanni frá hóteli í átt að miðbæ Pontremoli þar sem við kynnumst sögu staðarins, skoðum barokk höll og kíkjum á vikulegan markað í bænum
Frjáls tími í Pontremoli t.d til að skoða bæinn, verslanir, kíkja á kastalann sem hefur að geyma safn af einstökum styttum frá járnöld „Statue Stele“ og snæða hádegisverð.
Síðdegið frjálst til að njóta á sundlaugarbakkanum eða skoða sig um.
20:00 Kvöldverður á hóteli, innifalinn (drykkir ekki innifaldir)

fimmtudagur 18.júní

07:00 Morgunverður á hóteli
08:00 Leggjum af stað með rútu upp í Appenninafjöllin( 1,25t ). Við hefjum gönguna í þjóðgarðinum sem kallast Parco Nazionale Appennino Tosco-Emiliano og liggur á mörkum Emilia Romagna héraðs og Toskana. Fyrsti áfangi er frá fjallaskála Lagdei (1250 m.) upp að vatninu Lago Santo sem er einstök vin í 1.500 m. hæð. Annar áfangi göngunnar er að ná tindinum Monte Marmagna ( 1.852) þar sem við stöndum á mörkum héraðanna tveggja og á góðum degi er hægt að horfa yfir Po dalinn í norðri og Korsíku í suðri
Síðbúinn sveita hádegisverður borinn fram, ásamt vatni og borðvíni í fjallaskála við Lago Santo á leiðinni niður, innifalinn
16:00 Rúta flytur okkur heim á hótel
20:00 Kvöldverður á hóteli, innifalinn (drykkir ekki innifaldir)

08:00 Morgunverður á hóteli og útritun
09:00 Við komum farangrinum fyrir í rútu sem flytur okkur áfram að þorpinu Filattiera þar sem rafmagnsreiðhjól bíða okkar og við leggjum af stað í hjólaferð þar sem við þræðum sveitir og kastalaþorp frá miðöldum.
13:00 Léttur hádegisverður í sveitinni þar sem við fáum afurðir beint frá býli í einstöku umhverfi. Innifalinn
15:30/16:00 Að hjólaferð lokinni höldum við áfram til La Spezia þar sem við ætlum að dvelja næstu nætur.
Innritun á hótel og kvöldið frjálst.

laugardagur 20.júní

Morgunverður á hóteli
09:00 Förum saman með rútu til bæjarins Lerici þar sem næsta ævintýri bíður okkar
09:30 Kanóaferð frá Lerici þar sem við siglum meðfram strandlengjunni í einstöku umhverfi, inn í víkur sem eru aðeins aðgengilegar sjóleiðina
12:30 Frjáls tími í Lerici til að skoða sig um og fá sér hressingu
14:20 Siglum með ferju yfir til Portovenere sem má segja að sé inngangur að Cinque Terre þjóðgarðinum. Við göngum saman um bæinn og fáum frjálsan tíma til að upplifa stemninguna á eigin hraða
16:00/17:00/18:00/19:00 Ferjan siglir til baka frá Portovenere til La Spezia
Hverjum og einum er í sjálfsvald sett hvenær hann snýr aftur heim á hótel
Kvöldið frjálst

sunnudagur 21.júní

Morgunverður á hóteli
08:40 Göngum saman frá hótelinu að íþróttaleikvanginum í La Spezia, þar sem rafmagnsreiðhjól bíða okkar
09:00 Hjólum með innlendum leiðsögumönnum að þjóðgarðinum Cinque Terre
11:30 Stoppum á leiðinni í vínsamlagi Cinque Terre þjóðgarðsins þar sem við fáum að bragða á framleiðslunni. Innifalið
Hádegisverður frjáls í bænum Manarola
15:30 Hittumst á fyrirfram ákveðnum stað og hjólum saman til La Spezia
Kvöldið frjálst í La Spezia

mánudagur 22.júní

Morgunverður á hóteli, brottskráning og uppgjör reikninga
08:30 haldið af stað í átt að Mílanó flugvelli (3,25t).  Stoppað á leiðinni fyrir hressingu og WC
13:30 Innskráning í heimflug: FI 591 14. JUN MXP-KEF 16:20-18:35

UPPSELT

Verð á mann í tvíbýli kr. 412.700,-

Staðfesting kr. 70.000,- SKILMÁLAR FARARSNIÐS
Vinsamlega tilgreinið herbergisfélaga í athugasemdasvæði á greiðslusíðu

Verð miðast við gengi og flugverð í ágúst 2025. Athugið að lágmarksþáttaka er 20 manns.

Sendið póst á bokanir@fararsnid.is eða hringið í 776 0875 ef spurningar vakna

INNIFALIÐ:

• Flug með Icelandair til og frá Mílano Malpensa
• Skattar og lendingagjöld
• Töskur og handfarangur
• Rútuakstur frá og til flugvallar
• Allur annar akstur samkvæmt þessari dagskrá
• Gisting á góðum hótelum í Pontremoli og La Spezia í 7 nætur 
• Morgunverður í sjö daga
• Þrír alþýðlegir hádegisverðir með vatni og húsvíni/bjór
• Fordrykkur og glæsilegur kvöldverður á komukvöldi með vatni, borðvíni og kaffi
• 3x kvöldverðir á hóteli í Pontremoli, drykkir ekki innifaldir
• Aðgangur í barokkhöll
• Vínkynning og smakk í Vínsamlagi Cinque Terre þjóðgarðsins
• Allar skoðunar-, hjóla-, kanóa-, gilja- og gönguferðir sem nefndar eru í dagskrá
• Íslensk fararstjórn
• Innlendir leiðsögumenn

EKKI INNIFALIÐ

• Þjórfé
• Gistináttagjald

Fararstjórn

Ummæli úr Hreyfiferð í Toskana og Cinque Terre

„Við hjónakornin erum alsæl með Hreyfigleðiferðina okkar og mælum svo sannarlega með Fararsniði og Guðbjörgu. Fagmennskan var í fyrirrúmi og allt stóðst okkar væntingar og rúmlega það.
Við þökkum kærlega fyrir okkur og frábæra samveru ❤️
Elín og Bjarni„

„Algjörlega frábær ferð í alla staði 🙂 Ný ævintýri á hverjum degi og gaman að vera bæði í kyrðinni í sveitinni og svo ys borgarinnar.
Guðbjörg var líka frábær fararstjóri 
Hilda Bjork Linberg„

„Frábær ferð núna í júní 2025
Hreyfigleði í Toskana og Cinque Terre þar sem var hjólað, gengið, vaðið, siglt, nutum rólegheita í sveitinni og ys og þys borgarinnar.
Skemmtilegir ferðafélagar sem við kynntumst, hópurinn var passlega stór. Allt afar vel skipulagt hjá Fararsnið.
Guðbjörg fararstjóri er frábær og hélt mjög vel utan um hópinn okkar.
Kærar þakkir fyrir samveruna og skemmtilega ferð.
Sigrún Matthea Sigvaldadóttir og Már Sigurbjörnsson.“

FYRIRSPURNIR OG FORGANGSLISTI

Fyrirspurnir: bokanir@fararsnid.is

Viltu vera á forgangslista?  Skráning á póstlista