NÝTT – NÝTT – NÝTT.
MÁNUDAGUR 09. ÁGÚST Flogið til Mílanó í beinu flugi FI592 09. AUG KEFMXP 14:00-20:15. Ekið rakleiðis á hótel nærri flugvelli þar sem gist er eina nótt m/morgunverði.
ÞRIÐJUDAGUR 10. ÁGÚST
Kl. 07:00 morgunverður á hóteli.
Kl. 07:30 ekið af stað til bæjarins Montecatini Terme, í Toskana.
Kl. 12:30 – 13:00 innskráning á Grand Hotel Vittoria í 8 nætur með morgunverði. Hótelið stendur við friðsæla götu nærri miðbænum.
Kl. 14:00 stuttur fundur með fararstjórum.
Kl. 14:30 gönguferð um þennan vinalega og fallega bæ, Montecatini Terme. Gengið niður á kirkjutorg og áfram niður að lestarstöðinni, eftir verslunargötunni, með veitingahúsum og kaffihúsum og svo höldum við áfram upp í markaðsgötuna. Þaðan snúum við til baka heim á hótel.
Kl. 19:00 Velkominsdrykkur í boði Fararsniðs
Kl. 19:30 Kvöldverður á hóteli, innifalinn í verði.
MIÐVIKUDAGUR 11. ÁGÚST Morgunverður á hóteli.
Kl. 09:00 gengið niður að lestarstöð.
Kl. 09:30 tökum við lestina til Lucca (Lukkubæjar, eins og íslenskir pílagrímar nefndu bæinn).
Kl. 10:00 komið til Lucca og gengið um gömlu borgarmúrana og síðan um þröngar götur gamla bæjarins. Frjáls tími að gönguferð lokinni.
Í ÖLLUM GÖNGUFERÐUM ÆTTI AÐ HAFA HÖFUÐFAT OG NÓG AF VATNI.
Kl. 15:00 hópurinn gengur saman til baka á lestarstöðina. Kl. 15:38 lest tekin heim til Montecatini Terme. Kvöldverður á eigin vegum.
FIMMTUDAGUR 12. ÁGÚST Morgunverður á hóteli
Kl. 10:00 röltum við upp að toglestinni sem flytur okkur Kl. 10:30 upp í miðaldabæinn Montecatini Alto. Við skoðum bæinn áður en við setjum stefnuna á ólífuolíu framleiðslu litlu ofar.
Kl. 12:45 heimsækjum við eitt af þekktustu ólívuolíu samlögum héraðsins og smökkum á framleiðslunni.
Kl. 14:15 bóndakonan kvödd og við göngum til baka og tökum toglestina aftur niður í bæ.
Kl. 15:00 eigum við bókaða miða aftur niður Monte. Terme
Kl. 19:00 kemur rúta og flytur okkur til bæjarins Monte Carlo – kvöldverður á einum besta veitingastað bæjarins.
Kl. 22:00 rúta til baka heim á hótel eftir kvöldverð.
FÖSTUDAGUR 13. ÁGÚST Morgunverður á hóteli.
Kl. 09:30 – rúta flytur hópinn til Vinci.
Kl. 10:30 erum við komin að fæðingarheimili Leonardo da Vincis. Þar sjáum við sérstaka video mynd um brot úr ævi Meistarans. Aðeins 14 manns geta farið inn í herbergið í einu. Á meðan á hinn hlutinn kost á að skjótast á WC og einnig munum við fara yfir lífshlaup Leonardos á okkar hátt.
Kl. 11:00 fara hinir 11 inn til að sjá myndina en hinir 14 nota WC og heyra okkar frásögn.
Kl. 11:30 léttur göngutúr niður hæðirnar í kring, sem endar á Leonardo safni, en það geymir fyrst og fremst ýmis verkfræðiafrek hans.
Kl. 12:30 15 manns skoða safnið, hressing og hvíld á litlu kaffihúsi við kastalann.
Kl. 12:45 fara 10 manns á safnið.
Kl. 13:15 rölt niður að rútustæðinu.
Kl. 14:00 komið aftur heim á hótel.
19:00 Við röltum upp í Tettuccio Spa og fáum okkur létta hressingu fyrir tónleika kvöldsins.
21:15 Klassískir tónleikar í ótrúlegu umhverfi.
LAUGARDAGUR 14. ÁGÚST Morgunverður á hóteli.
Kl. 08:15 – okkar rúta ekur okkur á lestarstöðina í Pistoia
Kl. 09:09 – lestin tekin til Flórens.
Kl. 09:50 innlendur leiðsögumaður tekur á móti okkur, á lestarstöðinni. Þaðan göngum við í bæinn og upplifum sögu borgarinnar og fegurð, sem er engri annarri lík.
Kl. 12:15 skoðunarferð lýkur við Dómkirkjuna. Frjáls tími á eftir. Hádegisverður á eigin vegum.
Kl. 15:40 hittumst við aftur fyrir framan Dómkirkjuna og göngum saman niður á lestarstöð.
Kl. 16:10 lestin tekin til baka til Pistoia, þar sem rúta bíður okkar og flytur okkur heim á hótel. Kvöldverður á eigin vegum
SUNNUDAGUR 15. ÁGÚST Morgunverður á hóteli FRJÁLS DAGUR
MÁNUDAGUR 16. ÁGÚST Morgunverður á hóteli.
ÞAR SEM VIÐ GÖNGUM AÐ MESTU UM VÍNEKRURNAR ÆTTUM VIÐ AÐ VERA Í LOKUÐUM SKÓM.
Kl. 10:30 lagt af stað til San Gimignano. Bærinn er ein af perlum Chianti héraðsins og hefur verið vettvangur margra þekktra kvikmynda.
Kl. 12:00 komið til San Gimignano og við göngum saman gegnum borgarhliðið og upp á aðaltorgið.
Kl. 13:00 flestir tilbúnir að finna sér veitingastað til hádegisverðar á eigin vegum.
Kl. 15:45 hittumst við aftur við borgarhliðið og göngum saman niður að rútu.
Kl. 16:15 ekið af stað í átt að vínekrunum þar sem okkar bíður leiðsögumaður. Kl. 16:45 hittum við leiðsögumanninn sem gengur með okkur um hæðótt landslag þar til við komum að vínkjallaranum okkar.
Kl. 18:00 velkominsdrykkur og kynning á vínkjallaranum.
Kl. 18:30 kvöldverður með sérvöldum vínum.
Kl. 21:00 rútan flytur okkur aftur heim á hótel.
ÞRIÐJUDAGUR 17. ÁGÚST Morgunverður á hóteli. Dagurinn frjáls.
COVID-TEST í apótekinu. Við höfum fengið tíma fyrir Covid-test frá kl. 08:20, í þremur hópum, 8 + 8 + 7.
Allir þurfa að hafa vegabréf meðferðis.
ÞENNAN DAG SKULUM VIÐ NOTA TIL AÐ FYLLA ÚT SKRÁNINGARFORMIÐ TIL AFHENDINGAR VIÐ KOMUNA TIL ÍSLANDS.
Kl. 19:00 röltum við upp að toglestinni upp til Montecatini Alto og sameinumst í kvöldverði á veitingastaðnum La Torre. Toglestin gengur til kl. 23:30 og hverjum er í sjálfsvald sett hvenær hann heldur niður úr þorpinu að kvöldverði loknum
MIÐVIKUDAGUR 18. ÁGÚST
Kl. 07:30 morgunverður á hóteli, brottskráning og uppgjör reikninga.
Kl. 10:30 haldið af stað til Pisa
Kl. 11:30 komið að skakka turninum.
Kl. 13:00 haldið af stað til Mílanó flugvallar. Stoppað á leiðinni fyrir hressingu og WC.
Kl. 18:00 innskráning í heimflug: FI593 18.AUG. MXP KEF 21:15-23:30.
INNIFALIÐ:
- Flug með Icelandair til og frá Milano
- Skattar og lendingargjöld
- Töskur og handfarangur
- Rútuakstur frá og til flugvallar
- Allur annar rútuakstur samkvæmt þessari dagskrá
- Gisting á hóteli við Malpensa í eina nótt m/morgunverði (heitt og kalt)
- Gisting á fjögurra stjörnu hóteli í átta nætur
- Morgunverður (heitt og kalt) í átta daga
- Fimm glæsi-kvöldverðir á hóteli og sérvöldum veitingastöðum, með vatni og borðvíni og kaffi á eftir
- Miðar á óperutónleika á sérstökum stað
- Lestarmiðar til Lucca og Flórens
- Heimsókn í vínkjallara
- Heimsókn til ólívubónda.
- Allar skoðunar og gönguferðir sem nefndar eru í dagskrá
- Íslensk fararstjórn
- Innlendir leiðsögumenn
EKKI INNIFALIÐ
- Miðar í toglest og gistináttagjald.
fararsnid.is 