03. maí – 10. maí 2019
UPPSELT ER Í FERÐINA – Sjá næstu ferðir hér
Hvað býðst þér í menningarferðinni til Valencia?
- Þægilegar gönguferðir þar sem þú upplifir hið daglega líf í sveit og borg.
- Gist á sama hóteli alla ferðina, í hjarta Valencia, í námunda við sögu, menningu og minjar.
- Sælkeramáltíðir á sérvöldum veitingastöðum, borðvín og vatn innifalið.
- Einstök upplifun: Þú lærir að elda hina fullkomnu Paellu, þar sem hún er upprunnin.
- Notalegar samverustundir með ferðafélögunum og tækifæri til að eignast nýja.
- Lausar stundir og næði til að vera þú sjálf(ur).
- Nánast allt sem nefnt er í dagskrá er innifalið í verði.
…og svo allt hitt:
- Gisting á **** hóteli í miðborginni, í 7 nætur m/morgunverði
- Rúta samkvæmt ferðadagskrá
- Erlendir leiðsögumenn og íslensk fararstjórn
FERÐADAGSKRÁ
DAGUR 1 – föstudagur 03. maí.
Flogið til Alicante.
BROTTFÖR KL. 22:30 – LENT KL. 05:00
DAGUR 2 – laugardagur 04. maí.
Kl. 06:00 leggur rútan okkar af stað til Valencia, innskráning á hótelið, þar sem við gistum í sjö nætur m/morgunverði.
Kl. 08:00, morgunverður á hóteli og svo ná flestir að leggja sig til kl. 11:30 eða svo.
Kl. 12:00, leggjum við af stað í gönguferð um gömlu borgina, við göngum við inn í Carmen hverfið, fram hjá gamla Silkimarkaðnum, fram hjá Dómkirkjunni og gömlu Kauphöllinni og þaðan að gamla markaðnum, Mercat Central.
Áfram er haldið í átt að helstu verslunargötunum og endað á Colontorgi. Þaðan er stutt í tvær El Corte Inglés verslanir, Colonmarkaðinn með alla sína veitingastaði og Carrer de Jorge Juan, verslunargötu með innlendri merkjavöru sem þið hafið aldrei fyrr séð.
Kl. 13:30 gönguferð lokið og hver og einn velur sér góðan veitingastað til að snæða hádegisverð. Þetta er sá tími sem heimamenn tylla sér á sinn eftirlætisstað til hádegisverðar.
Frjáls tími til kvölds.
Tillaga að dægradvöl yfir síðdegið
- Rölta yfir í El Parterre garðinn til hliðar við hótelið og setjast á einhverju kaffihúsanna sem þar eru.
- Skreppa aftur inn í Carmen-hverfið og skoða betur þá staði sem kynntir voru um morguninn.
- Rölta inn á Centrale-markaðinn og versla osta, charcuterie og annað snarl til að eiga á herberginu.
Kvöldverður – Kl. 19:30 “tapaskvöld” á nokkrum góðum veitingastöðum, innifalið í verði m/vatni og borðvíni.
Almennt opna veitingastaðir um kl. 20:00 og mannlífið á kvöldin fær sína réttu mynd um kl. 22:00.
DAGUR 3 – sunnudagur 05. maí.
Kl. 08:00, morgunverður á hóteli.
Kl. 14:00 ekið norður í vínhéruðin til Requena.
Kl. 15:00 skoðum við gamla Miðaldaþorpið með sínum steinlögðu götum, veðruðu kirkjum og virkisveggjum.
Kl. 16:00 heimsókn í vínkjallara með sérkennilega sögu. Við smökkum nokkrar tegundir og verslum við hjónin ef okkur sýnist svo, vín eða ólívuolíu.
Kl. 18:00 glæsikvöldverður á fallegum stað.
Kl. 21:30 rútan ekur okkur til baka til Valencia.
DAGUR 4 – mánudagur 06. maí.
Kl. 09:00, rúta sækir okkur og við ökum 45 mín. leið að bænum El Palmar við Albufera lónið. Sigling um lónið sem tekur um 40-45 mínútur.
Kl. 11:00 Stuttur akstur á búgarðinn, þar sem við lærum að elda ekta spænska “paella”, en hún er talin upprunnin í Valencia. Þar er okkur boðið uppá “velkominsdrykk” og kynningu á húsakosti og lífrænni ræktun eigendanna. Síðan hefst undirbúningur og matargerð.
Kl. 13:00, snæðum við okkar eigin paellur með vatni og/eða borðvínum, allt innifalið í verði.
Kl. 15:00, rúta aftur á hótelið. Frjáls tími.
Tillaga að dægradvöl yfir síðdegið. Menning, saga, listir. Úr mörgum söfnum að velja, nefni sérstaklega Museo Fallas og Keramík-safnið (Hús markgreifans)
Kvöldverður – Kvöldverður á eigin vegum.
DAGUR 5 – þriðjudagur 07. maí.
ÞESSI DAGUR ER FRJÁLS
DAGUR 6 – miðvikudagur 08. maí.
Kl. 10:00 höldum við í göngutúr um Turiagarðinn, sem lagður er í gamla árfarveginn. Við segjum sögu hans og sérkennilega tilurð. Garðurinn er stundum nefndur garður „vísinda og lista“. Göngu lýkur um kl. 12:00, neðst í garðinum og hver á eigin vegum eftir það. Þarna er stutt í stærstu verslunarmiðstöð borgarinnar.
Tillaga að dægradvöl
- Skoða Ciudad de las Artes y las Ciencias
- Dagur á ströndinni
- Verslunardagur – El Corte Ingles og Aqua við Carrer de Menorca, einnig Carrefour vestan við brúna.
Kvöldverður – Kl. 20:15. Rúta flytur okkur á margverðlaunaðan veitingastað stað í sérstöku umhverfi, sjö rétta glæsimáltíð með vatni og vínum – innifalinn í verði.
DAGUR 7 – fimmtudagur 09. maí.
Kl. 10:00 ekið að ævafornu Máraþorpi, Xativa, sem gætt var af firnastórum Márakastala.
Kl. 11:00 komið til Xativa. Gengið á kastalahæðina, eða smálest tekin á toppinn. Þarna er ægifagurt útsýni. Við gefum okkur góðan tíma á hæðinni, kaffistaður er innan múra og virkið er talsvert víðáttumikið og margt að skoða frá riddaratímanum.
Kl. 12:30 haldið aftur til baka niður í litla bæinn, sem einnig var innan múra.
Kl. 13:00 stuttur göngutúr um bæinn og svo er hádegisverður á eigin vegum.
Kl. 14:30 ekið til baka til Valencia.
Kl 15:30 komið til baka á hótelið.
KVÖLDVERÐUR Á EIGIN VEGUM
DAGUR 8 – föstudagur 10. maí.
Kl. 09.00 morgunverður, brottskráning og uppgjör reikninga.
Kl. 15:00 ekið til Alicanteflugvallar í veg fyrir heimflug
Kl. 17:00, komið á flugvöllinn í Alicante og innskráning í flug til Íslands.
BROTTFÖR KL. 18:55 – LENT KL. 21:35
Að þessu sinni eru 20 sæti í boði. Yfirleitt eru það pör og vinahópar sem bóka sig saman í Menningarferðir Fararsniðs og sætin geta því farið fljótt. Lágmarksþátttaka er 18 manns.
Verð á mann í tvíbýli kr. 253.000,–
Verðið miðast við gengi og flugverð í september 2018.
Staðfesting kr. 50.000,-
Vinsamlega tilgreinið herbergisfélaga í Athugasemdasvæði
Verð fyrir einbýli kr. 287.000,–
Sendu okkur fyrirspurn hér:
INNIFALIÐ. Gisting á fjögurra stjörnu hótel í miðborg Valencia m/morgunverði, allur rútuakstur sem nefndur er í ferðalýsingu, einn hádegisverður og námskeið í Palleueldun (borðvín innifalið), þrír ríkulegir kvöldverðir, með vatni og borðvíni, erlendir leiðsögumenn og íslensk fararstjórn.
Einhverjar spurningar?
Ef svo er, sendu mér póst á jonkarl@fararsnid.is og ég geri mitt besta til að svara öllum spurningum.
Takk fyrir að lesa,
Jón Karl og Ágústa
fararsnid.is 