Garda 23. ágúst 2021 – Ferðadagskrá

     BREYTING Á COVID-TESTI OG BROTTFÖR.

DAGUR 1    Mánudagur 23. ágúst.  Flogið með Icelandair til Mílanó á flugi:      FI592  23. AUG KEF MXP  14:00 – 20:15   Við hjónin bíðum ykkar á flugvelli og saman ökum við án þess að stoppa, í gististað.  Rétt er að nota WC í töskusal, meðan þeirra er beðið.   CA 2.5 klst. akstur.
Gist á: Hótel Poiano ****, við Gardavatn í sjö nætur m/morgunverði.  Vatn og ávextir verða á hótelherbergi við komu ykkar.

DAGUR 2     Þriðjudagur 24. ágúst.  Morgunverður á hóteli.
Kl. 09:00 stuttur fundur með fararstjórum.
Kl. 09:30 gengið frá hótelinu niður í gamla bæinn í Garda og þaðan út að ferjuhöfn þar sem við kaupum miða fyrir siglingu dagsins.
Kl. 11:00 bátur tekinn yfir til Sirmione ca 40 mín sigling.  Þar göngum við stuttan hring umhverfis höfðann og endum hjá Kastalanum í hjarta bæjarins.
Kl. 15:17 tökum við bátinn til baka til Garda.  Kvöldverður á eigin vegum.

DAGUR 3    Miðvikudagur 25.  ágúst   Morgunverður á hóteli.
Kl. 10:00 gengið upp brekkurnar fyrir ofan hótelið og komið á höfðann La Rocca sem gnæfir yfir bæinn Garda.  Á þessari leið eru bæði langar brekkur og styttri.  Hvergi er bratt fyrr en klöngrast er upp á sjálfan höfðann.  Hér þarf góða skó og sjálfsagt að nota göngustafi ef þeir eru með í för.
Kl. 13:00 endað í hádegisverði hjá húsfreyju í sveitinni innifalinn í verði og þaðan rölt aftur heim á hótel. Ganga ca 3 klst.
Í ÖLLUM GÖNGUFERÐUM ÆTTI AÐ HAFA HÖFUÐFAT OG NÓG AF VATNI.

DAGUR 4   Fimmtudagur 26. ágúst  Morgunverður á hóteli.   FRJÁLS DAGUR Í GARDA.

DAGUR 5   Föstudagur 27. ágúst  Morgunverður á hóteli.
Kl. 12:00 Hádegisverður á eigin vegum.  (T.d. sundlaugarbarinn)
Kl. 13:30 dagsferð til Verona.  Við göngum saman um frægustu torg og stræti gömlu miðborgarinar.  Skoðunarferðin tekur ca. 1,5 til 2 tíma.
Kl. 16:00 síðdegið er frjálst.
Kl. 18:30 Óperu-kvöldverður í gamalli höll í hjarta borgarinnar – INNIFALINN.
Kl. 20:00 göngum við að Arenunni ca 15. mín.
Kl. 20:45
óperusýning, AIDA eftir Verdi – INNIFALIN.
Kl. 00:30 rúta heim á hótel.
GRÍMUSKYLDA ER Á MEÐAN Á SÝNINGU STENDUR.

DAGUR 6   Laugardagur 28. ágúst  Morgunverður á hóteli – morguninn frjáls.
Kl. 15:00 þeir sem þá eru staddir á hótelinu ganga saman niður á rútustöð, þar sem við hittum þá sem staddir voru í bænum.   Saman göngum við svo með strönd Gardavatns til bæjarins Bardolino. Þetta er friðsæl og falleg leið á jafnsléttu, malbikaður göngustígur.  Við tökum okkur gott stopp í Bardolino áður en haldið er áfram á veitingastaðinn – ganga dagsins er í heild ca 2.klst.  Þeir sem ekki vilja ganga, taka leigubíl og hitta hina á veitingastaðnum.
Kl. 19:00 kvöldverður m/borðvíni, snæddur á fjölskyldustað sem frægur er fyrir alúðlega þjónustu.   Innifalinn í verði.
Kl. 22:00
rúta til baka heim á hótel.

DAGUR 7   Sunnudagur 29. ágúst  Morgunverður á hóteli  Dagurinn er óskipulagður.  Þennan dag ætti fólk þar með að nota til að fylla út skráningarform fyrir heimflugið til Íslands, á „Heimkoma.covid.is“. 
Kl. 19:15 rúta sækir okkur á hótelið.
Kl. 19:30 Lokakvöldverður á fallegum stað í sveitinni.
Kl. 22:00 Rúta til baka.

DAGUR 8   Mánudagur 30. ágúst  Morgunverður á hóteli. 

KL 10:00 HÖFUM Við bókað „Covid-test“, fyrir heimferðina til Íslands.  Prófið fer fram hér á hótelinu, fyrir aftan hótelafgreiðsluna.

PRÓFIÐ KOSTAR 32EUR og greiðist í seðlum.

FRAMVÍSA ÞARF VEGABRÉFI. 

Kl. 11:00 Brottskráning og uppgjör reikninga.  Töskum komið í geymslu.
Kl. 15:00 ekið út á Malpensa flugvöll við Mílanó í veg fyrir heimflug með:   FI593  30AUG KEF MXP  21:15 – 23:30

INNIFALIÐ:

  • Flug með Icelandair til og frá Milano
  • Skattar og lendingargjöld
  • Töskur og handfarangur
  • Rútuakstur frá og til flugvallar
  • Allur annar rútuakstur samkvæmt þessari dagskrá
  • Gisting á fjögurra stjörnu hóteli í sjö nætur 
  • Morgunverður (heitt og kalt) í sjö daga
  • Einn ríkulegur hádegisverður með vatni og borðvíni og kaffi á eftir
  • Þrír glæsi-kvöldverðir á sérvöldum veitingastöðum, með vatni og borðvíni og kaffi á eftir
  • Miðar á óperusýningu í Arenunni
  • Allar skoðunar og gönguferðir sem nefndar eru í dagskrá
  • Íslensk fararstjórn
  • Innlendir leiðsögumenn

EKKI INNIFALIÐ:

    • Ferjumiðar á Gardavatni
    • Gistináttagjald