Ferðadagskrá Toskana – Sælkeraganga

19. – 29. júní 2019

FERÐADAGSKRÁ  TOSKANA

MIÐVIKUDAGUR 19. JÚNÍ

Flogið til Milano á flugi FI592 19JUN KEFMXP 1355-1940.   Ekið rakleiðis á hótel nærri flugvelli þar sem gist er í eina nótt m/morgunverði.

FIMMTUDAGUR 20 JÚNÍ

Kl. 07:30 morgunverður á hóteli.

Kl. 08:00 ekið af stað til bæjarins Montecatini Terme, í Toscana.  Innskráning á Grand Hotel Vittoria í 9 nætur með morgunverði.  Hótelið stendur við friðsæla götu nærri miðbænum.
Kl. 15:00 Gönguferð um þennan vinalega og fallega bæ, Montecatini Terme. Gengið niður á kirkjutorg og áfram niður að lestarstöðinni, framhjá Kaupfélaginu  og eftir verslunagötunni, með veitingahúsum og kaffihúsum og svo höldum við áfram upp í markaðsgötuna.  Þaðan snúum við til baka heim á hótel.
16:30 Frjáls tími það sem eftir er dags.
Kl. 19:30 Kvöldverður á hóteli, innifalið.

FÖSTUDAGUR 21. JÚNÍ

Morgunverður á hóteli.   
Morguninn frjáls.
Kl. 13:30 gengið niður að lestarsöð.
Kl. 14:01 tökum við lestina til Lucca (Lukkubæjar, eins og íslenskir pílagrímar nefndu bæinn).
Kl. 14:29 komið til Lucca og  gönguferð um bæinn, m.a. um gömlu borgarmúrana, sem enn standa.
Frjáls tími að gönguferð lokinni.
Kl. 19:00 Rúta sækir okkur að einu aðalhliði borgarinnar “Porta San Pietro” og við höldum út fyrir bæinn og snæðum kvöldverð á Micelinstað.  Hér munu margir vilja hafa með sér föt til skiptanna fyrir kvöldverðinn.  Eftir kvöldverð er rúta heim á hótel.

LAUGARDAGUR 22. JÚNÍ

Morgunverður á hóteli
Kl. 10:00 gönguferð um hæðirnar upp frá bænum Pescia, norður af Montecatini Terme.  Við finnum okkur stað til að snæða nesti og svo göngum við til baka í veg fyrir rútuna sem flytur okkur heim á hótel.
Kl. 18:00 fyrirlestur um ítölsk vínhéruð og helstu vín hvers héraðs, léttar veitingar á eftir.

SUNNUDAGUR 23. JÚNÍ

Morgunverður á hóteli.
Frjáls dagur.
Kvöldverður á fallegum stað í bænum Monte Carlo.

MÁNUDAGUR 24. JÚNÍ

Morgunverður á hóteli.
Kl. 08:57 – lestin tekin til Flórens.
Kl. 09:50 innlendur leiðsögumaður tekur á móti okkur, á lestarstöðinni.  Þaðan göngum við í bæinn og upplifum sögu borgarinnar og fegurð, sem er engri annarri lík.
Hádegisverður á eigin vegum.
Kl. 17:00 lestin tekin til baka til Montecatini.  Kvöldverður á eigin vegum

ÞRIÐJUDAGUR 25. JÚNÍ

Morgunverður á hóteli
Kl. 08:15 höldum við með rútu til litla bæjarins Pistoia, stundum kallaður gróðurhús Toscana.
Kl. 09:00 Rútan skilar okkur upp í fjallabæinn Collina og eftir stutt kaffistopp göngum við gamla pílagrímaleið niður til bæjarins Spedoletto.  Leiðin grítt og göngustafir væru til bóta.

Kl. 12:00 flytur rúta okkur síðasta spölinn til Pistoia.
Kl. 12:30 snæðum við hádegisverð á: “Voronoi dell´Ortaggio” nærri aðaltorginu “Piazza della Sala” (innifalin í verði) og svo röltum við undir leiðsögn um þessa litlu perlu, sem alltof margir sleppa.  Rúta heim á hótel um eftirmiðdaginn.
Kvöldverður á eigin vegum.

MIÐVIKUDAGUR 26. JÚNÍ

Morgunverður á hóteli.

FRJÁLS DAGUR.

19:00 Við röltum upp í Tettuccio Spa og fáum okkur létta hressingu fyrir tónleika kvöldsins.
21:15  Klassískir tónleikar á ótrúlegum stað.

FIMMTUDAGUR 27. JÚNÍ

Morgunverður á hóteli
Kl. 08:40 – rúta flytur hópinn til fæðingabæjar Leonardo da Vincis.
Kl. 09:30 hér stöndum við hjá fæðingarheimili Leonardo da Vinci “Pinetina della Doccia”. Þaðan er léttur göngutúr um hæðirnar í kring, sem endar á Leonardosafni, er geymir fyrst og fremst ýmis verkfræðiafrek hans.
Kl. 12:30 heimsækjum við ólívuolíubónda og smökkum á framleiðslunni.
Kl. 14:00 bóndinn kvaddur.  Rúta til baka heim á hótel.

Heimsókn í fæðingarheimili Leonardo da Vinci

FÖSTUDAGUR 28. JÚNÍ

Morgunverður á hóteli.  Dagurinn frjáls.
Kl. 19:30 röltum við upp að kláfnum til Montecatini Alto og sameinumst í kvöldverði á veitingastaðnum La Torre.
Kláfurinn gengur til kl. 23:30 og hverjum er í sjálfsvald sett hvenær hann heldur niður með kláfnum að kvöldverði loknum

LAUGARDAGUR 29. JÚNÍ

Kl. 09:00 morgunverður á hóteli, brottskráning og uppgjör reikninga
Kl. 10:00 haldið af stað til Pisa
Kl. 11:00 komið að skakka turninum.
Kl. 12:00 haldið af stað til Mílanóflugvallar.  Stoppað á leiðinni fyrir hressingu og WC.
Kl. 18:00 innskráning í heimflug: FI593 29JUN MXPKEF 2040-2255.

Innifalið:

  • Sælkeramáltíðir á sérvöldum veitingastöðum í fallegu umhverfi.
    • Þrisvar kvöldverðir á sérvöldum veitingastöðum
    • “Pikk nikk”, hádegisverður og veitingar fyrir tónleika
  • Flug og skattar með Icelandair til og frá Milanó
  • Gisting í 10 nætur á **** hóteli m/morgunverði og einum kvöldverði
  • Rúta og lestarmiðar samkvæmt ferðadagskrá
  • Aðgangseyrir að tónleikum, da Vinci safni, ólívu safni og vínkynning.
  • Gistinátta og borgaskattur fyrir dvölina
  • Innlendir leiðsögumenn þar sem þess er krafist og íslensk fararstjórn

Er einhverjum spurningum ósvarað?  Sendu okkur fyrirspurn hér:

SKG-Nánari-upplysingar