Hið skrautlega og afgerandi útlit synagogunnar í Torino á sér skemmtilega sögu.  Það er ekki bara á Íslandi sem menn eru enn að hanna og teikna byggingar eftir að byrjað er að byggja.  Þar þarf ekki eingöngu að benda á flugstöð á Miðnesheiði eða hótel í Hveragerði. 

Krassað á kaffihúsi

Karikatur af Alessandro Antonelli
Margar skopteikningar eru til af AAA

Hinn arkitektlærði gyðingur, Alessandro Antonelli, sem falið var að teikna mikilfenglegustu synagogu á Ítalíu átti sér gæðastundir á kaffihúsinu Caffé Torino.  Þar sat hann á morgnana í einu horninu, vitandi að verkamennirnir voru nú mættir í vinnuna, hamarshögg gullu um hverfið og múrsteinar hlóðust upp í skafla.

Borðið var lítið en servíetturnar góðar og á þær rissaði hann nýjar hugmyndir um útlit þess stórbrotna guðshúss sem honum var ætlað að skapa.  Auðvitað hafði Alessandro teiknara á sínum snærum og þeir fengu servíetturnar afhendar hvern morgun, með fyrirmælum um hlutföll og efni.

Gárungarnir tengdu saman kaffikönnu og stórvirkið
Gárungarnir enn að verki

.. og synagogan hækkaði og hækkaði, við hana bættust afhýsi í allar áttir.  Eftir því sem hæðin varð meiri þurfti að bæta í sökkla og undirstöður, jafnvel skipta út efni sem ekki var talið nógu traust til að bera þann þunga sem nú var orðinn á veggjum og súlum.

Hærra minn Guð, til þín

Á árunum 1863 – 1869 hafði byggingin hækkað úr 47 metrum í 70.  Frá 1873 – ´84 hækkaði hún í 90 metra.  Á næstu tveim árum þar á eftir úr 90m. – 113m.  Þá var komið árið 1887.  Nú fóru ýmsir í gyðingasamfélaginu að kveinka sér og Alessandro fékk ekki heimild til að hækka bygginguna meir.

Þá datt honum í hug turnspíran.  1889 var mannvirkið komið í 167.35 metra og þá var söfnuðurinn kominn á hausinn.  Í dag er þó synagogan eitt helsta tákn borgarinnar, líkt og Eiffelturninn í París, Frelsisstyttan í NY og „bæjarins bestu“ í Reykjavík og gyðingarnir hafa endurheimt auðlegð sína.

Hnetur og súkkulaði = Nutella

Vanilla-Crepes-with-Nutella-3_2
Fær maður ekki vatn í munninn?

Ég sagði áður frá því að Torinomenn hefðu verið á undan Svisslendingum að búa til súkkulaði.  Þeir voru líka fyrri til að bragðbæta súkkulaðið sitt með ýmsu t.d. hnetum.  Áfram var haldið að þróa vöruna og úr varð Nutella, súkkulaðiviðbitið sem í dag er á morgunverðarborðum margra hótela.

Mikið af þessari þróun fer fram í litla bænum Alba, sem ég sagði að kalla mætti höfuðborg trufflusveppsins.  Og viti menn, auðvitað getur maður í dag fengið trufflubætt Nutella.  Mig langar reyndar meira í trufflubætta lifrarpylsu eða blóðmör.  Hvernig væri það?

Meira í næstu viku.

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

w

Tengist við %s